काठमाडौं । एएफसी महिला च्याम्पियन्स लिगको प्रारम्भिक चरणमा सहभागिता जनाउन नेपालको एपीएफ क्लब  आज  उज्बेकिस्तान प्रस्थान गरेको छ। एपीएफको टोली शुक्रबार उज्बेकिस्तान गएको हो ।
एपीएफले छनोटमा साउदी अरेबियाको अल नासरसहित ३ टोलीसँग खेल्ने छ ।

नेपाल समूह बी मा परेको छ । यो समूहमा एपीएफ र अल नासेरसँगै उज्वेकिस्तानको पीएफसी नासाफ र थाइल्याण्डको कलेज अफ एसियन स्कोरलार्स छन् ।
नेपालको लिग च्याम्पियन एपीएफले लगातार दोस्रो पटक एएफसी महिला च्याम्पियन्स लिगको प्रारम्भिक चरणमा प्रतिस्पर्धा गर्न लागेको हो ।

गत वर्ष नेपालले प्रारम्भिक चरणमा उज्वेकिसत्नको नासाफसँगै मलेसियाको सबाहसँग खेलेको थियो । त्यसबेला एपीएफ नासाफसँग १-० ले पराजित भएको थियो ।
प्रारम्भिक चरणमा १९ टोलीले प्रतिस्पर्धा गर्नेछन् । चार समूहमा चार-चार र एक समूहमा तीन टिम छन् । हरेक समूहको विजेता एएफसी महिला च्याम्पियन्स लिगको मुख्य चरणमा प्रवेश गर्नेछन् ।
शीर्ष सात टोली यसअघिले मुख्य चरणमा स्थान बनाइसकेका छन् । जसमा ६ टोलीको टुङ्गो लागिसकेको छ भने युएईबाट खेल्ने एक टोलीको टुङ्गो लाग्न बाँकी छ । अन्तिम चरणमा १२ टोलीलाई तीन समूहमा विभाजन गरेर खेलाइनेछ ।