२०८२ जेठ २६, सोमबार
२०८२ जेठ २६, सोमबार
उच्च अदालत पाटनले पूर्वसभामुख कृष्णबहादुर महरालाई सफाइ दिएको छ । जबर्जस्ती करणीको मुद्दामा उनले मंगलबार उच्च अदालतबाट सफाइ पाएका हुन् ।
न्यायाधिशद्वय माधवप्रसाद पोखरेल र विमल सुवेदीको इजलासले जिल्ला अदालतकै फैसला सदर गर्ने निर्णय गरेको हो । पूर्वसभामुख महराले आफू सभामुख पदमा भएका बेला संसद् सचिवालयमा काम गर्ने एक कर्मचारीलाई जबर्जस्ती करणी गरेको आरोप लागेको थियो ।
२०७६ असोज १९ मा पक्राउ परेका महरालाई पुर्पक्षका लागि पाँच महिना थुनामा राखिएको थियो । त्यसपछि जिल्ला अदालत काठमाडौंले सफाइ दिएपछि उनी फागुन ५ गते रिहा भएका थिए ।
जिल्ला अदालतले सफाइ दिएपछि उक्त मुद्दा उच्च अदालत पाटन पुगेको थियो ।
