२०८२ जेठ २६, सोमबार
२०८२ जेठ २६, सोमबार
काठमाडौँ - भारतको उत्तराखण्डमा वर्षाका कारण कम्तीमा १६ जनाको मृत्यु भएको छ । विगत दुई दिनयता परिरहेको मुसलधारे वर्षाका कारण उनीहरूको मृत्यु भएको भारतीय अधिकारीहरूलाई उद्धृत गर्दै इन्डिया टूडेले समाचार लेखेको छ ।
समाचारमा जनाइएअनुसार मंगलबार मात्रै ११ जनाको मृत्यु भएको हो । उत्तराखण्डको विभिन्न भागहरूमा आएको बाढी तथा पहिरोमा केही मानिसहरू बेपत्ता भएको र मृतकको संख्या अझै बढ्न सक्ने आशङ्का गरिएको छ।
मृत्यु हुनेहरूमा ३ जना नेपालीसमेत छन् । यस्तै अन्य दुई जना घाइते भएका छन् । भारतका विभिन्न ठाउँमा बाढी तथा पहिरोले धेरै क्षति पुर्याइरहेकाे समाचारमा जनाइएको छ ।
.jpg)
