२०८२ जेठ २६, सोमबार
२०८२ जेठ २६, सोमबार
सिन्धुपाल्चोकको मेलम्चीमा फेरि बाढी आएको छ । गएराति आएको बाढीले केही घरमा क्षति पुर्याएको छ भने तालामाराङको प्रहरी चौकी विस्थापित भएको छ । लेदो माटोसहितको बाढीले केही घरमा क्षति पुगेको जिल्ला प्रहरी कार्यालय सिन्धुपाल्चोकका डिएसपी प्रकाश सापकोटाले जानकारी दिए ।
यसअघि असार १ गते आएको बाढीले हेलम्बु र मेलम्चीमा ठूलो क्षति पुर्याएको थियो । बाढी पीडितहरू सामान्य अवस्थामा फर्किँदै गर्दा गएराति फेरि बाढी आएपछि उनीहरू समस्यामा परेका छन् ।
बाढीको पानी तालामाराङ चौकीमा पसेपछि नजिकैको अर्को भवनमा सारिएको डिएसपी सापकोटाले बताए ।
हेलम्बु गाउँपालिका–१ हेमाथाङ्का चौरमा पहिरो गएर केहीबेर थुनिएपछि बाढी आएको अनुमान गरिएको छ ।
