२०८२ जेठ २६, सोमबार
२०८२ जेठ २६, सोमबार
प्रमुख प्रतिपक्षी दल नेकपा एमाले अध्यक्ष केपी शर्मा ओलीको गरमा गरम गराउने सम्बोधनपछि प्रधानमन्त्री शेरबहादुर देउवा र सभामुख अग्निप्रसाद सापकोटाबीच छलफल भएको छ । दोश्रो पटक संसद पुनर्स्थापना भएपछि पहिलो पटक संसदमा ओलीले बोल्नासाथ आएको तरंगलाई कसरी संबोधन र निवारण गर्ने भन्ने विषयमा छलफल गर्न प्रधानमन्त्री र सभामुखको भेट भएको हो ।
संघीय संसदको मंगलबारको बैठक सकिनासाथ नयाँबानेश्वस्थित सभामुखकोे कार्यकक्षमा आज उनीहरुबीच सदनलाई प्रभावकारी बनाउने, विधेयकलाई अघि बढाउनेलगायत विषयमा छलफल भएको सभामुखको सचिवालयले जनाएको छ ।
आजै प्रतिनिधिसभा बैठक पनि बसेको थियो । बैठकलाई एमाले अध्यक्ष केपी ओलीले सम्बोधन गर्नुका साथै अर्थमन्त्री जनार्दन शर्मा प्रभाकरले सरकारको यथार्थपत्र पनि प्रस्तुत गरेका थिए ।
४० महिना सरकारको नेतृत्व गरेका ओलीले एक महिनामा सरकारले गरेका काम के के हुन् भन्दै दर्जनौं प्रश्न गरेका थिए । अध्यक्ष ओलीले सरकारले तयार पारेको साझा न्युनतम कार्यक्रमलाई कागजको खोस्तो भन्दै बारम्बार अवमुल्यन गरेका थिए ।
