कंगना रनौत स्टारर फिल्म ‘थलाइवी’ को निर्माताहरुले सेप्टेम्बर १० को रिलिज मिति घोषणा गरेका छन्। कंगना रनावतको तमिलनाड्डुकी पूर्व मुख्यमन्त्री जय ललिताको जीवनीमा आधारित फिल्म ‘थलाइवी’ आउँदो शुक्रबारबाट रिलिज हुँदैछ । रिलिजको पूर्व सन्ध्यामा आएर देशका तीन ठूला मल्टिप्लेक्स चेनले यो फिल्म नलगाउने घोषणा गरेका छन् । रिलिज भएको दुई हप्तामै यो फिल्म ओटिटीमा आउने भएपछि तीन ठूला मल्टिप्लेक्स चेनले फिल्म रिलिज गर्न नसकिने जानकारी गराएका हुन् ।

मल्टिप्लेक्स चेन र निर्माताबीचको विवाद बढ्दै गएपछि कंगना रनावत मैदानमा आएकी छिन् । उनले हिजोका दिनमा ‘राधे’ र ‘मास्टर’ हल र ओटिटीमा एक साथ रिलिज गर्न मिल्ने तर ‘थलाइवी’ चाहिँ नमिल्ने भनेर प्रश्न गरेकी छिन् । उनले हिन्दीमा दुई हप्ताको ग्याप भए पनि दक्षिण भारतमा ओटिटीमा आउने समय चार हप्ताको रहेको बताएकी छिन् । यो फिल्म हिन्दीसँगै तमिल र तेलगु भाषामा पनि रिलिज भइरहेको छ । एजेन्सी