काठमाडौं। काठमाडौंको जडिबुटीस्थित आकाशे पुल नजिकै सवारी दुर्घटना हुँदा दुई जनाको ज्यान गएको छ।
मृत्यु हुनेमा नवलपरासीका २२ वर्षीय शिरिस पौडेल र काभ्रेका २३ वर्षीय नितेश नेपाल रहेका छन्।
प्रहरीका अनुसार लु ४३ प ४९३८ नम्बरको स्कुटर सडक किनारमा रोकिराखेको बा प्र०१–००६ ख ४२४३ नम्बरको बसमा ठोक्किएर दुर्घटना भएको थियो।
दुर्घटनामा गम्भीर घाइते भएका उनीहरूको ट्रमा सेन्टरमा उपचारका क्रममा निधन भएको हो।