काठमाडौं - नेपाली कांग्रेसले आगामी संघीय संसदका लागि समानुपातिक निर्वाचन प्रणालीतर्फको बन्दसूचीबाट २० जनाको नाम निर्वाचन आयोगमा बुझाएको छ। आइतबार सानेपास्थित पार्टी केन्द्रीय कार्यालयमा बसेको कार्यसम्पादन समितिको बैठकले १५ जना महिला र ५ जना पुरुषको नाम टुङ्गो लगाएको हो।

पुरुषतर्फ क्लस्टरका पहिलो नम्बरमा रहेकालाई प्राथमिकता कांग्रेसले विभिन्न ६ क्लस्टरका पहिलो नम्बरमा रहेका पुरुष नेताहरूलाई सांसदमा सिफारिस गरेको छ। जसमा निम्न नेताहरू पर्नुभएको छ:

• खस–आर्य: अर्जुननरसिंह केसी
• आदिवासी जनजाति: भीष्मराज आङ्देम्बे
• मधेसी: चन्द्रमोहन यादव
• दलित: मानबहादुर नेपाली
• अपाङ्गता/अल्पसंख्यक: मदनकृष्ण श्रेष्ठ

समावेशी क्लस्टरको विवरण कांग्रेस प्रवक्ता देवराज चालिसेका अनुसार, आयोगमा बुझाइएको सूचीमा समावेशी सिद्धान्तलाई ध्यान दिँदै संख्या निर्धारण गरिएको छ। जसअनुसार आदिवासी जनजाति र खस–आर्यबाट ६–६ जना, दलित र मधेसीबाट ३–३ जनाको नाम पठाइएको छ। यस्तै मुस्लिम र थारू क्लस्टरबाट १–१ जनाको प्रतिनिधित्व भएको छ भने पिछडिएको क्षेत्रबाट समेत एक नाम समावेश गरिएको छ।

महिला सांसदमा को-को छानिए? कांग्रेसले महिलातर्फ क्लस्टर अनुसार निम्न नामहरू छनोट गरेको छ:

• खस–आर्य महिला: सुशीला ढकाल, रुक्मिणीदेवी कोइराला, रीना उप्रेती, सीता थपलिया र गंगा शाही।
• आदिवासी जनजाति महिला: गीताकुमारी सेन्दाङ, गंगालक्ष्मी अवाल, गीता गुरुङ, रेनुका काउचा र सुनिताकुमारी सुवेदी।
• दलित महिला: हरिनादेवी कामी र पवित्रा विक।
• थारू महिला: प्रमिलाकुमारी गच्छदार।
• मुस्लिम महिला: शाहजान खातुन।
• पिछडिएको क्षेत्र (खस–आर्य): विद्यादेवी तिमिल्सिना।

बैठकले निर्वाचन आयोगको मापदण्ड र क्लस्टरभित्रको वरीयतालाई आधार मानी यी नामहरू फाइनल गरेको कांग्रेसले जनाएको छ।