२०८२ जेठ २६, सोमबार
२०८२ जेठ २६, सोमबार
काठमाडौं - काठमाडौं महानगरपालिका वडा नम्बर २७ मित्रनगर गोंगबुस्थित गेष्टहाउसमा एक पुरुषको शव भेटिएको छ ।
गोंगबुको गोदावरी सन्तोषी गेष्टहाउसमा स्याङ्जा घर भएका नारायण बहादुर घर्ती क्षेत्रीको शव भेटिएको महानगरीय प्रहरी परिसर काठमाडौंका प्रवक्ता (एसपी) रमेश बस्नेतले जानकारी दिएका छन ।
शव पोष्टमार्टमका लागि त्रिवि शिक्षण अस्पताल महाराजगञ्जमा पठाइएको छ ।गेष्टहाउसको कोठा नम्बर २०४ मा शव भेटिएको हो ।
सो कोठा राजु क्षेत्रीको नामबाट बुक गरिएको गेष्टहाउसको रेकर्डमा देखिएको छ । घटनाबारे अनुसन्धान भइरहेको एसपी बस्नेतले जानकारी दिए ।
